Whitby en Robin Hood's Bay

Op pad terug van Skotland het ons in Whitby oorgebly, die foto van die vervalle katedraal is waar Bram Stoker sy inspirasie vandaan gekry het om Dracula te skryf. Whitby is ook die hawe waarvandaan Captain Cook geseil het. Net 'n bietjie verder af langs die ooskus van Engeland is 'n dorpie met die naam van Robin Hood's Bay. Dit was baie koud so daar was omtrent nie 'n siel in die strate nie, 'n regte vakansiedorpie met smal eenrigtingstraatjies, en 'n horde klein vakansiewoonstelletjies.